Rasheed Lakhnavi
silsila-jumban-e-vahshat men na.i tadbir se
tauq mannat ke badalte hain miri zanjir se
aap le jaa.en unhen ya dil ke TukḌe joḌ den
meri ḳhatir jam.a ho jaa.e kisi tadbir se
naza.a men bhi ki ga.iin ham par bahut si saḳhtiyan
saikḌon tufan uThe ab-e-dam-e-shamshir se
naza.a men hain paanv mere ku-e-janan ki taraf
chahta huun main pahunch ja.un kisi tadbir se
ik nazar insaf se kiije zara su-e-‘rashid’
ashiqana kya ghazal ab ho sake is piir se
Leave a Reply