un se bhi kahan meri himayat men hila sar
kahte the jo har baat pe hazir hai mira sar
haan ye hai ki ahista-kalami ka huun mujrim
ḳhamosh-mizaji to hai ilzam sarasar
jis roz se aaya hai ye qatil ki nazar men
us roz se jhukne ki ada bhuul gaya sar
ghairat ke muqabil thi zarurat bhi havas bhi
ye ma.arka mushkil tha magar ham ne kiya sar
ik roz ik insan ne mujhe kah diya insan
us roz bahut der na sajde se uTha sar
Leave a Reply