Tahzeeb Hafi
shor karunga aur na kuchh bhi bolunga
ḳhamoshi se apna rona ro lunga
saari umr isi ḳhvahish men guzri hai
dastak hogi aur darvaza kholunga
tanha.i men ḳhud se baten karni hain
mere munh men jo aa.ega bolunga
raat bahut hai tum chaho to so jaao
mera kya hai main din men bhi so lunga
tum ko dil ki baat batani hai lekin
ankhen band karo to muTThi kholunga
Leave a Reply