ai ahl-e-nazar soz hamin saaz hamin hain
aalam men pas-e-parda-e-parvaz hamin hain
ai jabr-e-mashiyat ba-hama be-par-o-bali
ab bhi hai jinhen himmat-e-parvaz hamin hain
ḳhush hain ki nahin us sitam-ara ka sitam aam
nazan hain ki us ke hadaf-e-naz hamin hain
vo anjuman-e-naz-e-butan ho ki sar-e-dar
jis samt se guzre hain sar-afraz hamin hain
dekhen jo kisi aur taraf bhi vo sar-e-bazm
maqsud-e-nigah-e-ghalat-andaz hamin hain
ai shahid-e-ma.ani saf-e-shirin-suḳhanan men
hai koi agar sha.ir-e-tannaz hamin hain
ai jan-e-‘zafar’ ‘hafiz’-o-‘sadi’ ki qafa men
ab varis-e-mai-ḳhana-e-shiraz hamin hain
Leave a Reply