ab haal apna us ke hai dil-khvah
kya puchhte ho alhamdulillah
mar jaao koi parva nahin hai
kitna hai maghrur allah allah
pir-e-mughan se be-etiqadi
astaghfirullah astaghfirullah
kahte hain us ke tu munh lagega
ho yuun hi yarab juun hai ye afvah
hazrat se us ki jaana kahan hai
ab mar rahega yaan banda dargah
sab aql khoe hai rah-e-mohabbat
ho khizr dil men kaisa hi gumrah
mujrim hue ham dil de ke varna
kis ko kaso se hoti nahin chaah
kya kya na rijhen tum ne pachain
achchha rijhaya ai mehrban aah
guzre hai dekhen kyunkar hamari
us bevafa se ne rasm ne raah
thi khvahish-e-dil rakhna hamail
gardan men us ki har gah-o-be-gah
us par ki tha vo shah-e-rag se aqrab
hargiz na pahuncha ye dast-e-kotah
hai ma-siva kya jo ‘mir’ kahiye
agah saare us se hain agah
jalve hain us ke shanen hain us ki
kya rose kya khor kya raat kya maah
zahir ki batin avval ki akhir
allah allah allah allah
Leave a Reply