patthar ki qaba pahne mila jo bhi mila hai
har shaḳhs yahan soch ke sahra men khaḌa hai
ne jaam khanakte hain na kaafi ke piyale
dil shab ki sadaon ka jahan DhunD raha hai
saḌkon pe karo dauḌte pahiyon ka ta.aqub
umDi hui akash pe savan ki ghaTa hai
jaate hue ghar tum jo mujhe saunp ga.e the
vo vaqt mujhe chhoḌ ke begana hua hai
tum paas jo hote to faza aur hi hoti
mausam mire pahlu se abhi uTh ke gaya hai
malbus se chhante hue shadab badan ne
tahzib-e-ḳhayalat ko avara kiya hai
Leave a Reply