Raza Hamdani
har ek ghar ka daricha khula hai mere liye
tamam shahr hi daman-kusha hai mere liye
har ek tarshe hue jism men hai aanch tiri
har ek but-kada atish-kada hai mere liye
bala-e-jan hain ye gahra.iyan samundar ki
azaab ishrat-e-qatra bana hai mere liye
main ek khel samajhta tha dard-e-ulfat ko
tamam umr ka ab ratjaga hai mere liye
bhigo bhigo gaya badal kisi ki zulfon ka
sitam-zarif ye kaali ghaTa hai mere liye
Leave a Reply