Shahab Jafri
havas-e-zulf-e-girah-gir liye baiThe hain
ayat-e-shauq ki tafsir liye baiThe hain
asman saath chala ghar ki zamin duur hui
tujh se duur ik rah-e-dil-gir liye baiThe hain
vaj.h-e-ta.azir hui be-vatani bhi jab se
ambarin hathon ki tahrir liye baiThe hain
aap se aap vo khulti hui zulfen teri
ab isi sog ki tasvir liye baiThe hain
haa.e kya ahd-e-javani-o-mohabbat hai ki ham
ik na ik marne ki tadbir liye baiThe hain
zindagi be-dar-o-divar makan hai koi
kab se ik hasrat-e-tamir liye baiThe hain
koi apnon hi men qatil hai to ham chup se ‘shahab’
zaḳhm khaa.e hue shamshir liye baiThe hain
Leave a Reply