poet

Shor Ab Aalam Mein Hai Us Shobada-Pardaz Ka

shor ab aalam men hai us shobada-pardaz ka

charkh bhi ik shobada hai jis sarapa naaz ka

sada-rui qahr thi aur us pe ab aaya hai khat

dekhiye anjam kya hota hai is aghaz ka

tiir hove jis ki mizhgan aur ho abru kaman

dil na ho qurban kyuun kar aise tir-andaz ka

us ke shahin-e-nigah ko tair-e-dil ke liye

panja-e-mizhgan nahin goya hai chungul-baz ka

‘aish’ mujh ko be-par-o-bali par-e-parvaz hai

main nahin mohtaj kuchh bal-o-par-e-parvaz ka

More Poems

Leave a Comment