ai jazb-e-mohabbat tu hi bata kyunkar na asar le dil hi to hai
sidhi bhi chhuri TeḌhi bhi chhuri dil-doz nazar qatil hi to hai
jab huuk uThegi taḌpega insaf na chhoḌo dil hi to hai
na-chand thakan ka sabr-o-sukun bismil aḳhir bismil hi to hai
tufan-e-bala ki maujon men kiin band ankhen aur phand paḌe
kashti ne jahan Takkar khaa.i dil bol uTha sahil hi to hai
hai zarf yahan kis ka kitna dil bas hai usi ka paimana
rona bhi bura hansna bhi bura jo baat hai vo mushkil hi to hai
na-ḳhush hai to kya hai ḳhush hai to kya jaisa bhi sahi hai tu apna
ye saath nahin chhuTne vaala be-kas ka sahara dil hi to hai
hain maut ke is jiine men maze gham jis ko na ho vo kya samjhe
jab sabit karte ban na paḌe jo da.ava hai batil hi to hai
thi ḳhizr-e-tariq uftad yahan aur sang-e-havadis sang-e-nishan
had rah-e-talab ki aa ga.i haan jaata hai kahan manzil hi to hai
dukh de ke ulTe dena kya fariyad natija hai gham ka
jab Thes lagi shisha Thanka patthar na samajhiye dil hi to hai
aap ‘arzu’ ab ḳhamosh rahen kuchh achchhi buri khul kar na kahen
hain jitne munh itni baten mahfil aḳhir mahfil hi to hai
Leave a Reply