bhage achchhi shaklon vaale ishq hai goya kaam bura
apni halat kya men bata.un bad achchha badnam bura
gesu-o-ruḳh ko jab se chaha tab se mera rang ye hai
shaam achchha to sub.h bura aur sub.h achchha to shaam bura
qadar ho kya ḳhaak us ke ghar men andhi ke si aam hain dil
ashiq TuuTe paḌte hain har roz ka izn-e-am bura
bandh ke halqe gherenge ab mere dil ki ḳhair nahin
ghunghar vaale gesu us ke bandh rahe hain laam bura
sar pe amama haath men sub.ha ‘shauq’ na ja but-ḳhane ko
but hain baḌe kafir rakh denge sar ilzam bura
Leave a Reply