Zard Phulon Mein Basa KHwab Mein Rahne Wala

zard phūloñ meñ basā ḳhvāb meñ rahne vaalā

dhund meñ uljhā rahā niiñd meñ chalne vaalā

dhuup ke shahr mirī jaañ se lipaT kar ro.e

sard shāmoñ kī taraf maiñ thā nikalne vaalā

kar gayā aap kī dīvār ke saa.e pe yaqīñ

maiñ daraḳhtoñ ke hare des kā rahne vaalā

us ke tālāb kī bataḳheñ bhī kañval bhī ro.e

ret ke mulk meñ hijrat thā jo karne vaalā

Leave a Comment