Inam Nadeem
hamen to intizari aur hi thi
magar bad-e-bahari aur hi thi
sambhalta kya sambhale se tumhare
ki dil ko be-qarari aur hi thi
thi mere ḳhvab se bahar bhi duniya
magar saari ki saari aur hi thi
sabhi kuchh tha hamare dil ke bas men
magar be-iḳhtiyari aur hi thi
hamara dil koi shisha nahin tha
par ab ke sang-bari aur hi thi
jiye garche isi duniya men ham bhi
magar duniya hamari aur hi thi
Leave a Reply