Na Hoga Hashr Mahshar Mein Bapa Kya

na hoga hashr mahshar men bapa kya

na hoga mera un ka faisla kya

dagha dega mujhe vo pur-jafa kya

na aade aaegi meri vafa kya

chaman men kis liye gul hans rahe hain

shagufa tu ne chhoda ai saba kya

chalo bigdo na mah kahne par itna

bashar se ho nahin jaati khata kya

unhen tark-e-taalluq hai jo manzur

mujhe ilzam dete hain vo kya kya

vo kab ka bah gaya sab khuun ho kar

lagaega koi dil ka pata kya

kiya hai vada-e-farda kisi ne

na hogi ab qayamat bhi bapa kya

khuda ki bhi nahin sunte hain ye but

bhala main kya huun meri iltija kya

jafaon ke liye ki thiin vafaen

natija dosti ka hai dagha kya

unhin ki si ye dil bhi kah raha hai

misal-e-chashm-e-janan phir gaya kya

ajab andaz se nikla mira dam

ada-e-yar thi meri qaza kya

manane se nahin manta jo koi

hamara dam khafa hota hai kya kya

diye dukh bhi to ji bhar ke na ham ko

falak tu kya hai tera hausla kya

dagha di ham ko dil le kar hamara

yahi jurm-e-vafa ki thi saza kya

mujhe kyuun aaj hichki aa rahi hai

koi yaad aai aur un ko jafa kya

karen shikva na sahab dahr ka bhi

zamane men tumhin ho bevafa kya

shab-e-furqat dagha di zabt ne bhi

dila sach hai kisi ka aasra kya

vo be-khud pa ke ‘zeba’ ko ye bole

dil aaya aap ka mera gaya kya

Leave a Comment