Saeed Ahmad Akhtar
aql daḳhil ho ga.i hai vahm ke maidan men
asman baani bhi hai ab halqa-e-imkan men
aql-o-dil ka samna tha dida-e-hairan men
main khaḌa sahil pe tha vo halqa-e-tufan men
ḳhuld se duniya men aate dam kahan ma.alum tha
ranj-o-gham so bandh rakkhe hain mire saman men
dhund chhaT ja.egi vaa.iz chaar din men dekhna
Duub ja.enge tire qisse mire elaan men
kufr aur ilhad ki na-ḳhubiyon ki bhiiḌ men
koi ḳhubi bhi to hogi chiin men japan men
main hujum-e-gham men marta tha na jiita tha ‘sa.id’
vo nazar aa.e to chande jaan aa.i jaan men
Leave a Reply