Farigh Bukhari
kuchh ab ke baharon ka bhi andaz naya hai
har shaḳh pe ghunche ki jagah zaḳhm khila hai
do ghunT pila de koi mai ho ki halahil
vo tishna-labi hai ki badan TuuT raha hai
us rind-e-siyah-mast ka iman na puchho
tishna ho to maḳhluq hai pi le to ḳhuda hai
kis baam se aati hai tiri zulf ki ḳhushbu
dil yadon ke ziine pe khaḌa soch raha hai
kal us ko tarashoge to pujega zamana
patthar ki tarah aaj jo rahon men paḌa hai
divanon ko sauda-e-talab hi nahin varna
har siine ki dhaḌkan kisi manzil ki sada hai
Leave a Reply