Poet
shoḳhi se kashmakash nahin achchhi hijab ki
khul ja.egi girah tire band-e-naqab ki
shishe khule nahin abhi saghar chale nahin
uḌne lagi pari ki tarah bu sharab ki
do din ki zindagi pe ilahi ye ghaflaten
ankhen to hain khuli hui halat hai ḳhvab ki
hote hi sub.h-e-vasl ki shab dekhta huun kya
talvar ban ga.i hai kiran aftab ki
aata nahin kasi pe dil-e-bad-guman ‘aziz’
jamti nahin kasi pe nazar intiḳhab ki
Leave a Reply