shisha-sifat the aap aur shisha-sifat the ham
bikhre hue se aap hain bikhre hue se ham
us ne thama di haath men ik bansuri hamen
patthar uTha ke haath men dene lage the ham
maujud hai tiri tarah vo paas bhi nahin
kaise kahen ye baat ab pagal hava se ham
har shaḳhs tha tiri taraf teri hi bazm thi
kis ko sunate phir tire qisse jafa ke ham
teri kisi murad ki ḳhatir mire raqib
gir jaa.en asman se hain vo sitare ham
Leave a Reply