Santosh Khirvadkar
dil ke nazdik se guzro to bata kar jaana
ye bhi chahat ki hai ik rasm nibha kar jaana
tum mujhe chhoḌ ke jaate ho to jaao lekin
apne bheje hue ḳhat saare jala kar jaana
kya bata.unga juda.i ka sabab logon ko
jo haqiqat hai zamane ko bata kar jaana
taaki tanha.i se ghabra.un to baten kar luun
apni tasvir ko kamre men laga kar jaana
tum zamane ka bhala karne chale ho dekho
koi ‘santosh’ ke haq men bhi dua kar jaana
Leave a Reply