mere shauq ka saman band hai lifafe men
aur dil ka har arman band hai lifafe men
nama-bar tujhe bhi kuchh ehtiyat rakhna hai
zindagi ka har unvan band hai lifafe men
apni har saheli ko mera ḳhat dikha dena
qissa-e-shab-e-hijran band hai lifafe men
main ne apni ankhon se muhr to laga di hai
ye samajh lo meri jaan band hai lifafe men
taaki tujh pe khul jaa.e pyaas diid ki teri
mera dida-e-hairan band hai lifafe men
Leave a Reply