Jagdish Prakash
basarat kho ga.i hai raushni men
maza aane laga hai tirgi men
sarabon se sarabon ke safar tak
taḌap baḌhti ga.i hai tishnagi men
ye Dera jogiyon ka hai yahin par
milega kho diya jo zindagi men
muḳhatib tum se huun main kuchh to bolo
kaTegi raat kya bechargi men
dua ke ba.ad patthar bhi milenge
yahi to lutf hai divangi men
tiri chahat men jo kuchh pa liya hai
nahin hasil hua vo bandagi men
nahin pahchanta mujh ko mira ghar
bana huun ajnabi avargi men
Leave a Reply