Akhtar Muslimi
shikva is ka to nahin hai jo karam chhoḌ diya
hai sitam ye ki sitamgar ne sitam chhoḌ diya
le gaya chhin koi sab sar-o-saman-e-hayat
haan magar ek sulagta hua gham chhoḌ diya
lag ga.i in ko bhi shayad tire kuche ki hava
mai-kada rind ne zahid ne haram chhoḌ diya
haa.e us rah-rav-e-barbad ki manzil ai dost
jis ne ghabra ke tira naqsh-e-qadam chhoḌ diya
Leave a Reply