shikva ab gardish-e-ayyam ka karte kyuun ho
ḳhvab dekhe the to ta.abir se Darte kyuun ho
ḳhauf padash ka lafzon men kahin chhupta hai
zikr itna rasan-o-dar ka karte kyuun ho
tum bhi the zuud yaqini ke to mujrim shayad
saara ilzam usi shaḳhs pe dharte kyuun ho
afiyat kosh agar ho to bura kya hai magar
rah-e-pur-ḳhar-e-mohabbat se guzarte kyuun ho
jan-ba-lab ko nahin iifa ki tavaqqo.a ḳhud bhi
apne va.ade se bila-vaj.h mukarte kyuun ho
Leave a Reply