Ye Aalam Hai to Phir Kyon Hon Hawadis Se Pareshan Hum

Poet

ye aalam hai to phir kyon hon havadis se pareshan ham

qafas ham ashiyan ham ḳhaar ham gul ham gulistan ham

hamen duniya ki tufani havaon men bhaḌakne do

nahin honge nahin honge charagh-e-zer-e-daman ham

maza paaya hai itna mushkilat-e-zindagani men

ki dekhe ja.enge ta-hashr ye ḳhvab-e-pareshan ham

zamana ham ko tufan men phansa kar mutma.in kyon ho

samajhta hai ki hain parvarda-e-aghosh-e-tufan ham

baḌhe ja.enge tanha manzil-e-maqsud ki janib

uTha.enge na hargiz qafile valon ka ehsan ham

hamari be-nishani bhi nishan ka hukm rakhti hai

hamen duniya miTa.egi magar honge numayan ham

ye daur-e-intiha hai is men fikr-e-saz-o-saman kya

rahe hain ibtida se be-niyaz-e-saz-o-saman ham