Nawed Malik
aalam ho qahr ka to labon par dua na ho
is ḳhamushi pe main bhi ye dekhun ki kya na ho
ab to hamare ahd men fir.auniyat ke beach
muusa vahi hai haath men jis ke asa na ho
bante hain zabte yahan honTon pe qufl ke
patthar ye chahte hain koi be-sada na ho
aisa na ho ki ḳhvab bhi jhaḌ jaa.en niind se
mausam yahan ho sard pa itna ḳhafa na ho
ghabra ke sab ujalon se kahne lage ‘naved’
ham tirgi men jaa.en to ik bhi diya na ho
Leave a Reply