Shikast Azmat-e-Pindar Le Ke Aae Hain

shikast azmat-e-pindar le ke aae hain

ham apni ruuh sar-e-dar le ke aae hain

bharosa tutta jaata hai na-khudaon ka

safine ke liye patvar le ke aae hain

ham is ke baad tumhen mithi niind bhi denge

abhi to dida-e-bedar le ke aae hain

safar men saae ki shayad kahin zarurat ho

ham apne kandhe pe divar le ke aae hain

vo dosti to nahin doston ki fitrat hai

mire liye jo mire yaar le ke aae hain

chhuri baghal men dabae hue hain vo ‘asi’

jo apne haath men kuchh haar le ke aae hain

Leave a Comment