Shikan Ke Sath Jite Hain Thakan Ki Dastaras Mein Hain

Uvais Girach

shikan ke saath jiite hain thakan ki dastaras men hain

haqiqat men sabhi apne badan ki dastaras men hain

jamal-e-nik.hat-e-sham-o-sahar bhi anjuman men hai

kali bhaunre gul-o-bulbul chaman ki dastaras men hain

mujhe parvaz kar ke asman men Dubna tha aur

mujhe ye yaad tha ham sab badan ki dastaras men hain

asiran-e-gham-e-duniya fana ki justuju men hain

kahin par hazrat-e-zahid kafan ki dastaras men hain

are ai husn jaata huun jahan tere hi charche hain

bata kitne dil-e-dana tuman ki dastaras men hain