Kabhi Socha Na Tha Itni Bhi Sarshaari Kabhi Hogi

kabhi socha na tha itni bhi sarshari kabhi hogi

ki tera naam padhte hi talabgari kabhi hogi

kabhi rote hue hans duun kabhi hanste hue ro duun

kabhi mahfil sajaungi aza-dari kabhi hogi

sitam-ijado divaren junun atvar hi thahrin

tire mahfil men aa jaane pe be-zari kabhi hogi

bahut maruf rakkha tha tire khvabon ne dar-parda

sunana chahen hal-e-dil to dushvari kabhi hogi

nahin maalum tha ghaul-e-raqiban saath chalta hai

na koi haal puchhega na gham-khvari kabhi hogi

Leave a Comment