afzal-hazarvi

Pa-Pyaada Chalta Hun

pa-pyada chalta huun

be-irada chalta huun

thak na jaun is liye

main ziyada chalta huun

chashm-kor basti men

be-libada chalta huun

raste hairat karte hain

itna saada chalta huun

ho na jaun puura main

aadha aadha chalta huun

muflisi men kar ke main

dil kushada chalta huun

‘afzal’ aas ke raste par

be-murada chalta huun

More Poems

Leave a Comment