poet

Hath Se Haihat Kya Jata Raha

haath se haihat kya jaata raha

marne jiine ka maza jaata raha

zindagi ka aasra jaata raha

haae jiine ka maza jaata raha

le gaya sarmaya-e-sabr-o-qarar

maya-dar ab sabr ka jaata raha

umr bhar ki sab kamai lut gai

ziist ka barg-o-nava jaata raha

dil agar baaqi raha kis kaam ka

chain dil ka ai khuda jaata raha

zindagani ki halavat uth gai

dana-pani ka maza jaata raha

jo sahara tha dam-e-darmandagi

vo budhape ka asa jaata raha

kijiye kis baat ki ab aarzu

aarzu ka muddaa jaata raha

gul hua apna charagh-e-arzu

nuur ghar ka ai khuda jaata raha

haae kaisa lut gaya bagh-e-murad

kya shajar phula-phala jaata raha

roiye kya zindagani ko ‘zahir’

maut ka bhi ab maza jaata raha

More Poems

Leave a Comment