shayad na.e safar ki kahani likhenge log
paani ko ḳhuun ḳhuun ko paani likhenge log
ai asman harf ko phir e.atibar de
varna haqiqaton ko kahani likhenge log
kaghaz pe ab lahu ki lakiren bhi aa ga.iin
kab tak hamare ḳhuun ko paani likhenge log
jab chand muskura.ega phulon ki shaḳh par
phir to har ek raat suhani likhenge log
is sadgi men rang-e-mohabbat zarur hai
‘anjum’ tiri ghazal ke ma.ani likhenge log
Leave a Reply