Shayad Main Zindagi Ki Sahar Le Ke Aa Gaya

shāyad maiñ zindagī kī sahar le ke aa gayā

qātil ko aaj apne hī ghar le ke aa gayā

tā-umr DhūñDhtā rahā manzil maiñ ishq kī

anjām ye ki gard-e-safar le ke aa gayā

nashtar hai mere haath meñ kāñdhoñ pe mai-kada

lo maiñ ilāj-e-dard-e-jigar le ke aa gayā

‘fākir’ sanam-kade meñ na aatā maiñ lauT kar

ik zaḳhm bhar gayā thā idhar le ke aa gayā

Leave a Comment