poet

Shauq-E-Kharash-E-Khaar Mere Dil Mein Rah Gaya

shauq-e-kharash-e-khar mire dil men rah gaya

pa-e-talash pahli hi manzil men rah gaya

main zamzama-sara to chaman se gaya vale

afsana ik giroh-e-anadil men rah gaya

zanjir-e-mauj paanv men aa kar lipat gai

tufaniyon ka dhyan hi sahil men rah gaya

tasvir us ki kaise khinchi mani-e-khayal

hairan jis ki shakl-o-shamail men rah gaya

kaam apna to tamam kiya yaas ne ‘havas’

ji ishtiyaq-e-khanjar-e-qatil men rah gaya

More Poems

Leave a Comment