Poet
sharik-e-soz-e-darun jab se ho ga.e alfaz
nava-e-dard men sho.ale piro ga.e alfaz
suna ke dastan dil-doz vardaton ki
na jaane kitnon ke daman bhigo ga.e alfaz
kabhi kabhi to kuchh aisa bhi ittifaq hua
taḌap ke jaag uThe arman to so ga.e alfaz
mili na jab unhen iblagh ki tavana.i
to aap apne muqaddar ko ro ga.e alfaz
uThe to saare zamane ki ban ga.e avaz
dabe to aabru apni Dubo ga.e alfaz
ḳhatib-e-shahr ne ki baat dosti ki magar
dilon men tuḳhm adavat ke bo ga.e alfaz
ghazal-sara.i-e-‘mansha’ pe yuun hua mahsus
ki jaise ruuh ke andar samo ga.e alfaz
Leave a Reply