diye nigahon ke apni bujha.e baiTha huun
tujhe main kitne dinon se bhula.e baiTha huun
mire liye hi dhaḌakta hai ka.enat ka dil
kahan akela koi bojh uTha.e baiTha huun
ghubar-e-rah uḌe to koi umiid jage
main kab se raah men palken bichha.e baiTha huun
hunar jo ḳhvab churane ka main ne sikha hai
yahan pe kitnon ki ninden uḌaa.e baiTha huun
kahin vo mujh se mujhe maang le to kya hoga
main apne aap ko kab ka ganva.e baiTha huun
Leave a Reply