sharik-e-mahfil-e-dar-o-rasan kuchh aur bhi hain
sitamgaro abhi ahl-e-kafan kuchh aur bhi hain
ravan-davan yunhi ai nannhi bundiyon ke abr
ki is dayar men ujḌe chaman kuchh aur bhi hain
ḳhuda kare na thaken hashr tak junun ke paanv
abhi manazil-e-ranj-o-mehan kuchh aur bhi hain
abhi sumum ne maani kahan nasim se haar
abhi to ma.arka-ha-e-chaman kuchh aur bhi hain
abhi to hain dil-e-sha.ir hain saikḌon nasur
abhi to mo.ajiza-ha-e-suḳhan kuchh aur bhi hain
dil-e-gudaz ne ankhon ko de diye aansu
ye jante hue gham ke chalan kuchh aur bhi hain
Leave a Reply