Shar Aaj Zafar-Yab Hai Malum Nahin Kyon

Shmashad Shad

shar aaj zafar-yab hai malum nahin kyon

achchha.i tah-e-ab hai malum nahin kyon

ik chiiz vafa jis ko kaha karti thi duniya

vo in dinon kamyab hai malum nahin kyon

duniya to mire saath nahin ja.egi phir bhi

duniya hi mira ḳhvab hai malum nahin kyon

rahta hai nikalne ke liye har ghaḌi betab

ankhon men jo sailab hai malum nahin kyon

vaise to paḌha likkha hai is daur ka insan

na-vaqif-e-adab hai malum nahin kyon

bechain mire zehn ko karti hai yahi baat

qudrat pas-e-sailab hai malum nahin kyon

mujh ko to sabab koi nazar hi nahin aata

gum jalva-e-mahtab hai malum nahin kyon

is dil ka har ik naaz uThata huun main lekin

har lamha ye betab hai malum nahin kyon

har rang zamane ka mayassar hai magar ‘shad’

ye zindagi be-ab hai malum nahin kyon