Din-Dari Kar Rahe The

dīn-dārī kar rahe the

hoshiyārī kar rahe the

log apne halke-pan se

ḳhud ko bhārī kar rahe the

lāzmī har kaam apnā

iḳhtiyārī kar rahe the

phuul jaise log ham par

sañg-bārī kar rahe the

jam.a TuuTe ḳhvāb kī bas

rezgārī kar rahe the

chāhte the jo na ronā

āh-o-zārī kar rahe the

ūñche qad ke saa.e mujh meñ

ḳhauf taarī kar rahe the

tum hī aadhī kar rahe ho

ham to saarī kar rahe the

kar rahe the shā.irī aur

ābshārī kar rahe the

Leave a Comment