gharaz paḌne pe us se mangta hai
ḳhuda hota hai ya.ani manta hai
ka.i din se shararat hi nahin ki
mire andar ka bachcha lapata hai
bure mahaul se guzra hai ye dil
mohabbat lafz se hi kanpta hai
ye kachchi umr ke ashiq ko dekho
zara ruThe kala.i kaTta hai
abhi manzil dikha.i bhi nahin di
abhi se hi tu itna hanpta hai
gunahon ki saza sab dusron ko
gareban kaun apna jhankta hai
ajab karigari hai ‘mit’ us ki
badan ko ruuh pe vo Tankta hai
Leave a Reply