ḳhizan ka zikr na zikr-e-bahar karte rahe
tujhi ko teri nigahon se pyaar karte rahe
mata-e-dard ki baḌhti rahi na jaane kyon
ilaj-e-dard mire gham-gusar karte rahe
dayar-e-husn ke jalve the ḳhub-tar lekin
miri nazar ke liye intizar karte rahe
mujhe to raqs-e-masa.ib bhi raas aa na sake
vo bazm-ha-e-surud-o-sitar karte rahe
kabhi yaqin-e-mohabbat na tha na hai lekin
fareb-ḳhurda tira e’tibar karte rahe
Leave a Reply