Shama

bazm-e-jahan men men bhi huun a sham-e-dardmand

faryad dar girah-e-sifat daana sipand

di ishq ne hararat-e-soz-e-darun tujhe

aur gul-farosh ashk shafaq-gun kiya mujhe

ho sham-e-bazm-e-aish ki sham-e-mazar-e-tu

har haal ashk-e-gham se rahi ham-kanar tu

yak-bin tiri nazar sifat-e-ashiqan-e-raz

meri nigah maya-e-ashob-e-imtiyaz

kaabe men but-kade men hai yaksan tiri ziya

main imtiyaz-e-dair-o-haram men phansa hua

hai shan-e-ah ki tire dud-e-siyah men

poshida koi dil hai tiri jalva-gah men

jalti hai tu ki barq-e-tajalli se duur hai

be-dard tere soz ko samjhe ki nuur hai

tu jal rahi hai aur tujhe kuchh khabar nahin

biina hai aur soz-e-darun par nazar nahin

men josh iztirab se simab vaar bhi

agah-e-iztirab dil-e-be-qarar bhi

tha ye bhi koi naaz kisi be-niyaz ka

ehsas de diya mujhe apne gudaz ka

ye agahi mari mujhe rakhti hai be-qarar

khvabida is sharar men hain atish-kade hazar

ye imtiyaz-e-rifat-o-pasti isi se hai

gul men mahak sharab men masti isi se hai

bustan-o-bulbul-o-gul-o-bu hai ye agahi

asl kashakash-o-man-o-tu hai ye agahi

subh-e-azal jo husn hua dilsitan-e-ishq

avaz-e-kun hui tapish amoz-e-jan-e-ishq

ye hukm tha ki gulshan-e-kun ki bahar dekh

ek aankh le ke khvab-e-pareshan hazar dekh

mujh se khabar na puchh hijab-e-vajud ki

sham-e-firaq subh thi meri numud ki

vo din gae ki qaid se main ashna na tha

zeb-e-darakht-e-tur mira ashiyana tha

qaidi huun aur qafas ko chaman janta huun main

ghurbat ke gham-kade ko vatan janta huun main

yad-e-vatan fasurdagi be-sabab bani

shauq-e-nazar kabhi kabhi zauq-e-talab bani

a shama intiha-e-fareb-e-khyal dekh

masjud sakinan-e-falak ka maaal dekh

mazmun firaq ka huun surayya nishan huun main

ahang-e-taba nazim-e-kaun-o-makan huun main

bandha mujhe jo us ne to chahi miri numud

tahrir kar diya sar-e-divan-e-hast-o-bud

gauhar ko musht-e-khak main rahna pasand hai

bandish agarche sust hai mazmun buland hai

chashm-e-ghalat nagar ka ye saara qusur hai

aalam zuhur jalva-e-zauq-e-shu.ur hai

ye silsila zaman-o-makan ka kamand hai

tauq-e-gulu-e-husn tamasha-pasand hai

manzil ka ishtiyaq hai gham-karda raah huun

a shama men asir-e-fareb-e-nigah huun

sayyad aap halqa-e-dam-e-sitam bhi aap

bam-e-haram bhi tair-e-bam-e-haram bhi aap

main husn huun ki ishq sarapa gudaz huun

khulta nahin ki naaz huun main ya niyaz huun

haan ashna-e-lab ho na raz-e-kuhan kahin

phir chhid na jaae qissa-e-dar-o-rasan kahin

Leave a Comment