Sabir Zafar
shaam se pahle tiri shaam na hone dunga
zindagi main tujhe nakam na hone dunga
uḌte uḌte hi bikhar jaa.en par-o-bal ai kaash
ta.ir-e-jan ko tah-e-dam na hone dunga
bevafa logon men rahna tiri qismat hi sahi
in men shamil main tira naam na hone dunga
kal bhi chaha tha tujhe aaj bhi chaha hai ki hai
ye ḳhayal aisa jise ḳhaam na hone dunga
lagne dunga na hava tujh ko ḳhizan ki main ‘zafar’
phuul jaisa tira anjam na hone dunga
Leave a Reply