din hua jaise raushni hi nahin
chand nikla to chandni hi nahin
beach jangal men raah bholi thi
lauT kar ghar kabhi ga.i hi nahin
haal aur maazi ek jaise hain
vaqt se meri dosti hi nahin
meri ankhon ko le uḌa badal
aisi barish hui thami hi nahin
be-sahara thakan hai aur main huun
manzil-e-ishq tak chali hi nahin
kuchh sitaron ne ḳhud-kushi kar li
kuchh sitaron men saans thi hi nahin
ye ‘sahar’ aa.ine men kaun hai ab
meri surat mujhe mili hi nahin
Leave a Reply