rahat-indori

Sham Ne Jab Palkon Pe Aatish-Dan Liya

shaam ne jab palkon pe atish-dan liya

kuchh yadon ne chutki men loban liya

darvazon ne apni ankhen nam kar liin

divaron ne apna siina taan liya

pyaas to apni saat samundar jaisi thi

nahaq ham ne barish ka ehsan liya

main ne talvon se bandhi thi chhanv magar

shayad mujh ko suraj ne pahchan liya

kitne sukh se dharti odh ke soe hain

ham ne apni maan ka kahna maan liya

More Poems

Leave a Comment