Sarfraz Arish
paani men agar aks ki halat men bahun main
mumkin hai kinare ka kinara hi rahun main
ai ḳhama-gar-e-vaqt mujhe izn-e-suḳhan de
tujh se tiri rif.at ke tavassul se malun main
chalti hui baton men use kaam paḌe yaad
Thahre hue lafzon men ijazat ka kahun main
bina.i ko tarsi hui be-rangi ke dar par
ankhon ki asiri men likhi nazm paḌhun main
avazon ke jathe men tira lahja parakhte
ḳhamoshi se phaili hui ḳhamoshi sunun main
jangal si pur-asrar ḳhamoshi liye ‘arish’
jharne ki tarah shor machata bhi rahun main
Leave a Reply