jab mire shahr ki har shaam ne dekha us ko
kyuun na phir mere dar-o-bam ne dekha us ko
harf-dar-harf mire dil men utart aaya hai
mujh se pahle mire ilham ne dekha us ko
meri ankhon ne to ik baar hi manzar dekha
phir har ik lamha-e-dushnam ne dekha us ko
din dhale khvab dariche men utar aata hai
jab bhi dekha hai yahan shaam ne dekha us ko
jaane kis khvab ki hairat ne jagae rakkha
phir miri hasrat-e-nakam ne dekha us ko
Leave a Reply