Shahzad Nayar
shikasta chhat men parindon ko jab Thikana mila
main ḳhush hua ki mire ghar ko bhi gharana mila
falak pe uḌte hue bhi nazar zamin pe rahi
mizaj mujh ko muqaddar se ta.irana mila
ham is ke husn-e-suḳhan ki dalil kya denge
vo jitni baar mila ham se barmala na mila
kisi ki dekhti ankhen bhi aas paas rahen
tujhe mila to ba ehsas-e-mujrimana mila
main apni baat daraḳhton se kah ke rota huun
ki mere gham ko kisi rut na ashiyana mila
ab aa gaya hai to chup-chap ḳhamushi ko san
mire sukut men apni koi sada na mila
laḌi si TuuT ke ankhon se gir paḌi ‘nayyar’
labon se harf ka koi bhi silsila na mila
Leave a Reply