Poet
dil men rahna hai pareshan ḳhayalon ka hujum
aur ankhon men qayamat ka saman rahta hai
ishq ke raaz ko jitna men nihan rakhta huun
ḳhamushi se miri utna hi ayaan rahta hai
rota rahta huun kisi gham-zada ke rone par
aur dil-e-markaz-e-alam jahan rahta hai
rif.at-e-fikr hai hasil mujhe ulfat ke tufail
jo na ye ho to kahan husn-e-bayan rahta hai
lala-kari ka saliqa bhi nigah ko aaya
ansuon ki jagah ab ḳhuun ravan rahta hai
kashti-e-zist hai girdab-e-bala men ‘sa.ib’
aj-kal nam-e-ḳhuda vird-e-zaban rahta hai
Leave a Reply