so chuki hai jo raaz rahne do
tum jataoge pyaar rahne do
ye nadamat to ik dikhava hai
aap aur sharmsar rahne do
jaan basti hai aap ki mujh men
jhuuT itna to yaar rahne do
tum ko phulon pe niind aati hai
tum sajaoge daar rahne do
kya miri jaan le ke manoge
kuchh to jaan pe udhar rahne do
tum ne hasil to kar liya mujh ko
tum ko mera ḳhumar rahne do
kya kaha aap ne zara kahna
‘nur’ ka intizar rahne do
Leave a Reply