Farhat Shahzad
shaam kahti hai koi baat juda si likkhun
dil ka israr hai phir us ki udasi likkhun
aaj zaḳhmon ko mohabbat ki ata ke badle
tohfa o tamgha-e-ahbab-shanasi likkhun
saath ho tum bhi mire saath hai tanha.i bhi
kaun se dil se kise vaj.h-e-udasi likkhun
jis ne dil manga nahin chhin liya hai mujh se
aap men aa.uun to vo aankh haya si likkhun
mujh pe ho jaa.e tiri chashm-e-karam gar pal bhar
phir main ye donon jahan ”bat zara sii” likkhun
dauḌti hai jo mire ḳhuun men teri hasrat
dekh a.ina use ḳhuun ki pyasi likkhun
tujh se kyuun duur hai majbur hai ‘shahzad’ tira
paḌh sake tu to main sachcha.i zara si likkhun
Leave a Reply